17 Feb Curoil ta prolongá akuerdo ku Aruba Ports Authority

Willemstad – Djarason, 13 di febrüari último, Curoil a formalisá e prolongashon di e kontrato ku Aruba Ports Authority pa kontinuá ku e aktividatnan di bunkering na Aruba. Ku prolongashon di e kontrato aki, Curoil ta sigui fortifiká su posishon den e merkado di bunkering, ku ta un di e pilarnan di entrada di e kompania. E kontrato a keda firmá pa direktor di Curoil, Señor Yamil Lasten i direktor di Aruba Ports Authority, Señor Marc Figaroa.

Na fin di aña 2013, Curoil a atkerí e derecho eksklusivo pa bunker barku den hafnan di Aruba (“In-shore”). Durante e último 7 añanan, e aktividatnan di bunkering na Aruba a trese benefisionan finasiero tantu pa Aruba Ports Authority komo pa Curoil. Curoil ta sumamente orguyoso di e logro aki i lo kontinuá ku su esfuersonan pa amplia su presensia den region.